Mbrëmjen e sotme ka humbur jetën personi i 20-ë nga Covid-19 në Kosovë. Lajmi u bë publik nga Klinika Infektive e QKUK-së, e cila ka njoftuar se sonte në mbrëmje në këtë klinikë ka vdekur pacientja F.G. (1947), nga komuna e Shtimes.
“Pacientja është spitalizuar në Klinikën Infektive me datën 20.04.2020, dhe krahas infeksionit COVID-19 ka qenë e diagnostikuar edhe me sëmundje të tjera kronike”, thuhet në njoftim.
Ndërsa më tej në njoftimin e Klinikës Infektive bëhet me dije se kjo është vdekja e 15-të në QKUK nga Covid-19 dhe e 20-ta në nivel kombëtar nga kjo sëmundje./Fjala.al/
