Drejtuesja e Departamentit të Epidemiologjisë dhe Kontrollit të Sëmundjeve Infektive në Instituti i Shëndetit Publik, Silva Bino, në një intervistë për Top Channel tha se Shqipëria nuk është pjesë e asnjë e asnjë lloj nisme në lidhje me vaksinën anti-Covid-19.
“Oganizata Botërore e Shëndetësisë nuk ka asnjë lloj nisme në lidhje me vaksinë ndaj COVID-19, as edhe një lloj nisme. Këto nisma janë ndërmarrë nga universitete, apo Qendra Shëndetësore dhe kompani të ndryshme të botës dhe ne nuk kemi asnjë lidhje me këtë. Nuk kemi asnjë lidhje me këtë. Pra ne nuk kemi asnjë lidhje me përdorimin e vaksinave të cilat janë akoma në fazë të përgatitjes”, u shpreh Bino.
Kujtojmë se prej disa ditësh në media të ndryshme qarkullonte lajmi se Shqipëria ishte përzgjedhur nga Organizata Botërore e Shëndetit për të kryer testimin e vaksinës Anti-Covid-19.
