“Termi zezak nuk është racist, varet si e përdor.” Është ky koment i bërë në vitin 2016 në Twitter nga një vajzë shqiptare, që është rikthyer sërish në vëmendje të përdoruesve të rrjetit social. Një tjetër person ka publikuar së fundmi komentin e vajzës shqiptare dhe krahas tij i ka vendosur kuptimin që i jep në anglisht një fjalor në internet fjalës zezak: “ni***r” – term racist i përdorur për njerëzit me ngjyrë në SHBA.
“Nuk mund të gjeni justifikim për këtë”, shkruan i njëjti person që ka publikuar komentin e shqiptares.
I’m crying pic.twitter.com/BqLzvQq8HG
— ً (@asticky1still) April 27, 2020
Reagimi i tij ka marrë deri më tani gati 11 mijë pëlqime dhe është rishpërndarë nga pothuajse 3 mijë persona të tjerë.
Por a është raciste fjala zezak? Shqiptarët mundohen ta shmangin sa më shumë përdorimin e këtij termi, megjithatë në fjalor përdoret për njerëzit me ngjyrë dhe zyrtarisht nuk është një term racist. Edhe në media përdoret fjala zezak edhe pse gazetarët mundohen ta shmangin sa më shumë për të mos krijuar keqkuptime.
Në Twitter ka gjithashtu reagime të shumta nga shqiptarët, të cilët shpjegojnë te postimi i mësipërm përse zezak nuk është fjalë raciste.
“Ju mund të shihni se prapashtesa –ak tregon origjinën dhe mund të kthejë shumë emra në mbiemra”, shkruan Deni Hoxha, student shqiptar në Harvard.
“Unë nuk e di kontekstin që është përdorur, por vetë fjala nuk nënkupton “fjalën N”. Çdo racizëm nga shqiptarët apo kushdo tjetër është i papranueshëm, por gjithashtu nuk duhet të shpërndajmë dezinformim”, shton ai.
You can see here that -ak ending denotes origin and can turn many nouns in adjectives.
You can also see that the word is widely used in press and media. pic.twitter.com/5Soy4RuouD
— Deni Hoxha (@Deni_Hoxha) April 27, 2020
Komentues të tjerë zezakë shkruajnë se në këtë rast duhet të merren në konsideratët shpjegimet që japin vetë shqiptarët dhe jo të besohen përkthimet që bëhen në faqe të ndryshme në internet.
Urban dictionary is not a scholarly source.
— Adam™ (@wanaagsahan) April 27, 2020
