Detaje të reja mësohen në lidhje me ngjarjen e rëndë të ndodhur mesditën e kësaj të hëne në fshatin Lalm i Vjetër në Lezhë, ku u vranë me armë zjarri Preng Simoni 55 vjeç dhe Kolë Murrani 58 vjeç. Kol Murrani ka qene nje rapsod i këngës folklorike i njohur në Lezhë e më gjërë. Kol Murrani dhe bashkëfshatari i tij Preng Simoni i kan banesat afër njëri-tjetrit në rrethinat e Lezhës në lagjen “Lalm i Ri”.
Kol Murrani së bashku me viktimën tjetër jan parë në orët e para të mëngjesit afër banesës së Kol Murranit. Siç duket dy viktimat kan udhëtuar së bashku drejt vendlindjes së tyre dhe në afersi të fshatit jan ekzekutuar me breshri kallashnikovi pasi ne vendngjarje është gjetur një sasi e madhe gëzhojash, kjo sipas burimeve policore. Familjarët e viktimave janë shqetësuar pas disa orësh, pasi nuk po mundnin të komunikonin në telefon me ta. Kjo ka bërë që djali i të ndjerit Kol Murrani të nisej menjëherë drejt shtëpisë në fshat, aty ku edhe zbuloi trupat e pajetë të të atit dhe bashkëfshatarit të tij Preng Simoni.
Afër vendit të ngjarjes është gjetur një motor i braktisur, që dyshohet se e ka lënë autori apo autorët e krimit të dyfishtë. Duke qenë se zona është teren shumë i thyer malore e me pyje të dendura, zona është pothuajëse e braktisur ndaj autorët e krimit e kan patur të lehtë të largohen nga vendi i ngjarjes pa u pikasur nga njeri. Sa i përket pistave të mundëshme që po hetohen jan disa.
Për hakmarrje pasi djali i vëllajt të Kol Murranit ne vitin 1997 është akuzuar për 2 vrasje dhe aktualisht vuan dënimin me burg të përjetshëm. Pistë tjetër e mundëshme është edhe ndonjë konflikt pronësie e njërit nga viktimat, i mbartur apo i çastit. Objekivi i sulmit mund të ketë qenë njëri nga viktimat por për të humbur gjurmët mund të jetë ekzekutuar edhe tjetri. Dyshime të forta ka edhe se vrasja mund të ketë qenë edhe e ndonjë konflikti të çastit pasi ajo zonë nihet për kultivimin e bimëve narkotike dhe se jan ekzekutuar nga kultivues te cilët mund të kenë përdorur tokat në pronësi te ndonjërit prej viktimave për mbjelljen e bimeve narkotike pasi tani është edhe koha e mbjlljes së tyre. Sipas burimeve policore pista që po heton policia e Lezhës është ajo për motive pronsie.
Dy viktimat nuk kanë patur precedent të mëparshëm penal.për këtë ngjarje jan shoqëruar disa persona por ende nuk ka asgjè konkrete rreth ndriçimit të kësaj ngjarje të rëndë. Në Qarkun e Lezhës kohët e fundit ka patur shumë ngjarje me vrasje dhe që ende jan pa autorë, ku më e bujshmja është ajo e vrasjes së biznesmenit Kastriot Reçi në qytetin e Rrëshenit. Ndër kengët e shumta që ka interpretuar i ndieri Kol Murrani bie në sy një videoklip ku i ka kënduar miqësisë shqiptaro-italiane duke i falenderuar për mikpritjen e fillimviteve 90-të që j’u është bërë shqiptarëve./Faxweb
