Deputeti Adriatik Alimadhi ka dalë sot nga reanimacioni, ku ndodhej i shtruar prej ditësh te spitali “COVID2-Shefqet Ndroqi”, pasi ishte infektuar me koronavirusi.
Ky lajm u bë publik nga vetë deputeti, i cili nxjerr edhe një foto nga spitali, ku tregon se tashmë ka kaluar në pavion dhe është në një gjendje shëndetësore me te mirë.
Mesazhi i Adriatik Alimadhit:
Sot dola nga reanimacioni dhe kam kaluar ne pavion ne një gjendje shëndetësore me te mire. Kjo sipas këshillave te mjekeve.
Nje falenderim dhe mirenjohje per shefen e reanimacionit te sanatoriumit ‘Shefqet Ndroqi’ Dr. Alma Cani. Dr. Alma me perkushtim dhe profesionalizem i sherbente te gjithe pacienteve ne reanimacion, por mbi te gjitha shume njerezore, e cila mbante kontakte me vajzat e mija dhe familjen time duke i sqaruar per gjendjen time shendetesore. Mirenjohje pafund Alma
Respekt te veçante per çdo infermier, sanitar te reanimacionit, te cilat kishin fituar kulturen e punes ne kete profesion shume te veshtire. Ishin ato qe na sherbenin, pastronin per te gjitha sherbimet personale tonat te domosdoshme pa asnje fare ndrojtjeje. Vleresimet e mija te sinqerta per keto zonja, nena dhe motrat tona.
Aktualisht jam vendosur ne pavion ne nje gjendje me te mire shendetesore, sipas keshilles se mjekeve. Ju përshëndes te gjithëve nga zemra Adriatik Alimadhi./Fjala.al/
