Policia e Tiranës ka bërë publik rastin e sherrit mes aktorëve Ledio Lako dhe Gent Hazizi, duke treguar detaje në lidhje me ngjarjen në fjalë.
Nga policia bëhet me dije se Lako është proceduar penalisht për dy vepra penale: mbajtja pa leje e armëve të ftohta dhe plagosje e lehtë me dashje.
Në atë reagim theksohet se ai ka pasur një konflikt fizik me aktorin Gent Hazizi dhe e ka goditur këtë të fundit me përforcuer grushti metalik.
“Nga specialistët për Hetimin e Krimit në Komisariatin Nr. 3 u procedua penalisht, për veprat penale “Mbajtja pa leje e armëve të ftohta” dhe “Plagosja e lehte me dashje’’, shtetasi L. L., 40 vjeç, sepse në bulevardin “Gjegj Fishta”, pas një konflikti për motive të dobëta, ka goditur me përforcues grushti metalik, shtetasit G. H dhe E. M. Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton Policia./Fjala.al/
