Një infermier në repartin e trajtimit intensiv të koronavirusit në Brianza të Italisë ka përdorur veshjen e tij mbrojtëse që mban gjatë turnit, për t’i dërguar propozimin për martesë të fejuarës, edhe ajo infermiere.
“Në fakt ky propozim është më shumë një rikonfirmim”, ka thënë infermieri Johhny Fasulo, pasi çifti e kishte vendosur tashmë. Ata kishin lanifikuar të martoheshin me 8 qershor, pasi ajo i kishte thënë, ‘Po’, nëntorin e kaluar, por emergjenca me koronavirusin, i shtyu planet e tyre.
“Armida, do akoma të martohesh me mua, të dua”-shkroi ai në veshjen mbrojtëse në spital. Infermeri ka thënë se e kishte marrë shtysën për këtë, nga një kolege. Këtë foto e postoi në Facebook dhe më pas ajo u bë virale në rrjet.
“Erdhi shumë shpejt, një tjetër ‘PO’, nga Armida. Në fillim ajo u step, pasi është pak e ndrojtur. Më pas u entuziasmua, dhe më ka falenderuar”,-tregon Fasulo./Fjala.al/
