Përgjigjet për lotarinë amerikane nuk do të dalin në muajin maj, ashtu siç ndodh çdo vit, por do të ketë një shtyrje për shkak të situatës me koronavirusin. Ambasada Amerikane në Prishtinë ka bërë me dije se përgjigjet e këtij viti për lotarinë do të dalin më 6 qershor.
Sipas Ambasadës, kjo shtyrje nuk do të ndikojë në të gjithë procesin që vijon më pas për fituesit, të cilët do të fillojnë intervistat në 1 tetor të 2020-ës.
Kjo shtyrje është për të gjithë aplikuesit e lotarisë amerikane në të gjithë botën, përfshirë Shqipërinë.
