Një ngjarje e rëndë ka ndodhur pasditen e sotme në zonën e quajtur Ura e Bunës në Shkodër, ku u plagos me armë zjarri shtetasi Gëzim Bici, 50-vjeç.
Bici u plagos në qafë e në dorë me dy plumba, ndërsa bëhet me dije se ndodhet në reanimacion në gjendje të rëndë.
Nga burimet bëhet me dije se 50-vjeçari ishte duke ecur në këmbë në momentin kur është qëlluar me armë nga një automjet që ndodhej në lëvizje, ndërsa shtohet se arma mund të ketë qenë me silenciator, pasi nuk është dëgjuar zhurmë kur është qëlluar.
Momentalisht policia ka shoqëruar një person si të dyshuarin kryesor të ngjarjes, identiteti i të cilit nuk është bërë ende publik.
Informacion paraprak i policisë:
Shoqërohet në Polici autori i dyshuar i plagosjes me armë të 50 – vjeçarit.
Më datë 28.04.2020, rreth orës 17:10, në afërsi të Urës së Bunës, në rrethana ende të paqarta, është plagosur me armë zjarri pistoletë shtetasi G. B., rreth 50 vjeç, i cili është transportuar në spital, për ndihmë mjeksore
Në vendngjarje shkuan forca të shumta policie, të cilat rrethuan zonën dhe ngritën pika kontrolli.
Si rezultat i veprimeve të shpejta, është bërë i mundur identifikimi, kapja dhe shoqërimi në ambientet e Policisë, i autorit të dyshuar të plagosjes, por për arsye hetimi, për momentin nuk bëjmë me dije identitetin e tij.
Grupi hetimor nën drejtimin e Prokurorisë po vijon punën për sqarimin e rrethaneve të ngjarjes./Fjala.al/
Plagosja me armë në Shkodër/ Policia shoqëron autorin e dyshuar
FOTO/ Në barrelë dhe i gjakosur, dalin pamjet nga plagosja në Shkodër
Plagosje me armë zjarri në Shkodër, në gjendje të rëndë 50-vjeçari (emri)
