Ekonomia amerikanë ka shënuar tkurrjen më të madhe në më shumë se një dekadë në tremujorin e parë të këtij viti, pasi vendi u detyrua të mbyllet për të frenuar përhapjen e koronavirusit.
Ekonomia më e madhe e botës shënoi një rënie prej 4.8% në periudhën janar-mars 2020, sipas të dhënave zyrtare të publikuara këtë të mërkurë.
Kjo është hera e parë që shënohet rënie e Prodhimit të Brendshëm Bruto që prej vitit 2014. Për shkak të krizës së dy muajve të fundit, 26 milionë amerikanë kanë mbetur pa punë ndërsa besimi konsumator dhe aktivitetit të biznesit ka rënë në nivele historike.
Ekspertët parashikojnë që ekonomia të tkurret me 30% ose më shumë, deri në fund të muajit qershor. Rënia në ekonominë amerikane mund të ndikojë mbarë ekonominë globale.
Ndërkohë edhe në Kinë, ekonomia ka shënuar rënie me 6.8% të PPB-së për tremujorin e parë të 2020-ës, tkurrja e parë që prej vitit 1992. Edhe Gjermania bëri të ditur sot se ekonomia e saj pritet të shënojë rënie përgjatë këtij viti, me një rekord prej 6.3% raporton BBC./Fjala.al/
