Në të gjithë botën, njerëzit janë duke pritur që koronavirusi të përfundojë sa më parë dhe ata të kthehen në jetën normale.
Por qyteti kinez, Wuhani i cili është vendi prej nga rrodhi koronavirusi është akoma larg normalitetit.
Kur zyrtarët në Wuhan lehtësuan kufizimet e lëvizjes më 8 prill, pas izolimit prej 76 ditësh të qytetit, banorët dhe bizneset lokale mësuan shpejt se rihapja qytetit do të ishte katastrofale.
Me gjithë heqjen e masave të ashpra, shumë dyqane janë ende të mbyllura, restorantet janë të kufizuara dhe madje edhe kur qytetarët dalin jashtë ata ende mbajnë pajisje mbrojtëse dhe përpiqen të shmangin njëri-tjetrin.
Nga ana tjetër, media e kontrolluar nga qeveria ka sugjeruar që planet për të rikthyer qytetin në prodhim 100% deri në fund të prillit mund të jenë “shumë optimiste”. Por, kjo gjë është shumë larg realitetit.
Frika nga një valë tjetër e koronavirusit
Më e keqja ende nuk ka kaluar. Qytetarët dhe drejtuesit e bizneseve u shprehën për CNN se koronavirusi do të ishte çështje kohe, por një valë e dytë e Covid-19 përfshiu Wuhanin, duke sjellë bllokimin e radhës dhe duke i dhënë edhe një tjetër goditje tjetër për ekonominë.
Këtë javë autoritetet e shëndetësisë në Wuhan raportuan edhe 19 raste të reja me koronavirus. Wuhanit do t’i duhet rrugë e gjatë për t’u rikthyer në normalitet, po aq edhe pjesës tjetër të botës. Kjo ka sjellë edhe frikën nga një valë tjetër të koronavirusit dhe duket se rikthimi në jetën e mëparshme do të jetë ende shumë larg. /Përshtati nga CNN për Fjala.al, B. Quku
