Gjykata e Shkalles së parë në Shkodër ka caktuar masën e arrestit për Hasan Isufin, i dyshuar kryesor për plagosjen e 50-vjeçarit, Gëzim Bici në Shkodër para dy ditësh.
Për autorin e dyshuar është caktuar masa e sigurisë arrest me burg, ndërsa pala mbrojtëse ka kërkuar paligjshmërinë e arrestit si dhe masën e sigurisë “detyrim paraqitje”.
Vendimi u dha nga gjyqtarja Kostandina Kuro me kërkesë të prokurorit Astrit Halilaj, ndërsa bëhet me dije se i dyshuari nuk ka folur në seancë ndërsa me përpara në polici ka mohuar autorësinë e plagosjes.
Nga të dhënat e para dhe pista kryesore që po heton policia është pikërisht pronësia, pikërisht një ndërtesë që kishte 50-vjeçari i plagosur që pretendonte ta kthente në hotel dhe restorant.
Bici u plagos në qafë e në dorë me dy plumba, ndërsa bëhet me dije se ndodhet në reanimacion në gjendje të rëndë./Fjala.al/
