Arkitektura është zakonisht e famshme për ndërtesat e mëdha, qiellgërvishtëset marramendëse, shtëpitë e operas, urat dhe aeroportet. Por kur flasim për vendet ku qytetarët kalojnë përditë, në sipërfaqet dedikuara tërësisht atyre për aktivitet ditore si pazar, kafeneja apo edhe një vrap gjatë pasdites janë pikërisht rrugët.
Nga Nju Jorku i zhurmshëm në kohë normale e deri në Melbourne, ja cilat janë rrugët më të famshme e më të bukura në botë: në vend të parë qëndron rruga “Jinli” në Chengdu të Kinës, e periudhës së dinastisë Qing, e ndërtuar me dru dhe e rrethuar nga dyqanet tradicionale kineze, që e kanë shndërruar në një super atraksion turistik. Ajo u restaurua në vitin 2014, për herë të parë në 1800 vjet, duke qënë se është rruga më e vjetër në provincën Sichuan.
Në vend të dytë renditet “Convent Avenue” në Harlem të Nju Jork City. Ajo është e “bekuar” me arkitekturën që cilësohet si më e bukura sa i takon rrugëve. Ndërtesat në këtë rrugë kanë të njëjtën lartësi dhe pemët po ashtu.
Në vend të tretë listohet Lombard St, San Francisco. Ai përbëhet nga disa blloqe banesash, që ndahen nga një rrugë gjarpërushe dhe është një nga atraksionet turistike më të famshme të San Franciscos. Zona njihet edhe si Russian Hill.
Në vend të katërt ndër rrugët më të bukura në botë renditet Caminito, La Boca, Buenos Aires, Argentina. Caminito është rruga me më shumë ngjyra në botë pasi ndodhet në një zonë të gjithë e ngjyra të Buenos Aires. Rruga është riparuar për herë të fundit në vitet ’50. Sot Caminito është një muzeum i gjallë në rrugë, falë dyqaneve e shtëpive të banimit të ngjyrosura me blu të verdhë e jeshile nga artistët lokalë.
Në vend të pestë është The Philosopher’s Walk, Kyoto, Japan. Është rruga më piktoreske në botë, falë luleve të qershisë. Sezoni i tyre nis në prill dhe zgjat për vetëm 2 javë.
Vendin e gjashtë e mban Flask Walk, Hampstead, London, England. Rruga nis me një pedonale, më pas kalon një pub tradicional të stilit anglez, dyqanet e epokës viktoriane dhe ja tek hyre në një nga rrugët më të jashtëzakonshme të Londrës.
Fqinji Skoci, zë vendin e shtatë me Cockburn Street në Edinburgh, e famshme për arkitekturën viktoriane dhe dizajnin unik. Rruga u zhvillua dhe mori famë në vitin 1850.
Vendi i tetë shkon për rrugën “Umbrella Sky Project” në Aguedan të Portugalisë. Deri në vitin 2011, 4 rrugë kryesore të qytetit u shndërruan në rrugë shumë ngjyrëshe, me çadra mbi të, duke dhënë pamjen e një parajse të vërtetë, në dimër dhe në verë. Çadrat shërbejnë për të mbrojtur qytetarët nga dielli i nxehtë i verës dhe në dimër nga shiu.
Më pas vjen një tjetër rrugë me ngjyra të ndezura, Blue City në Jodhpur të Indisë. Njihet ndryshe edhe si qyteti Blu, kjo është rruga perfekte për të humbur në paqe. gjithçka në të, shtëpitë, baret e restorantet janë lyer në ngjyrën blu.
Franca renditet në vend të nëntë, me rrugën Square de Montsoris në Paris. Kjo është një nga rrugët më sharmante të Francës dhe mbarë botës. Ngjan thuajse me një rrugë private për nga pastërtia dhe qetësia që të përcjell, sikurse të emocionon me arkitekturën e saj të rafinuar, e gdhendur me mozaikë dhe gura xhami.
Në fund renditet Hosier Lane në Melbourne të Australisë, që ka fituar reputacion ndërkombëtar vetëm falë artit të rrugës. Aty kanë pikturuar qindra artistë rruge nga e gjithë bota.
Më pas ndër rrugët më të bukura në botë renditen dhjetëra të tjera, të bukura për nga arkitektura dhe unike për nga ngjyrat e format si në Shën Petersburg të Rusisë, Roma në Itali, Mykonos në Greqi, Pretoria në Afrikën e Jugut dhe Boon në Gjermani, Antëerpi në Belgjikë e Amterdai në Holandë./Burimi: CNN Përshtati: Fjala.al
