Kryeministri i Britanisë së Madhe pas daljes nga rreziku i COVID-19 ka njoftuar këtë të premte se qytetarët britanikë duhet të vendosin maska gjatë përditshmërisë për t’u ndjerë të sigurt në këtë situatë pandemie.
Johnson deklaroi se vendosja e maskave është pjesë e strategjisë që Britania të dalë nga kjo situatë. Sipas kryeministrit britanik kjo masë do t’u japë besim qytetarëve të vendit të tij për të punuar të sigurt dhe për të përdorur transportin publik.
Duke folur në konferencën e përditshme për koronavirusin në Downing Street, Johnson tha se më tepër informacion për këtë strategji do të japë javën e ardhshme.
Ai deklaroi se Brenda shtatë ditësh do të hartohet një “plan gjithëpërfshirës” për masat lehtësuese ndaj qytetarëve.
Ndërkohë opozita britanike ka rekomanduar më herët për përdorimin e maskave.
Burimi: Daily Mail, Përshtati: Fjala.al
