Deri ditën e sotme në vendin tonë janë regjistruar në total 782 raste me koronavirus, nga të cilët aktualisht janë aktiv vetëm 263 prej tyre.
Në njoftimin e Ministrisë së Shëndetësisë gjatë përditësismit të shifrave të të prekurve nga Covid-19 ditën e sotme, ku u bë me dije se në 24 orët e fundit janë shtuar 9 raste të reja, u theksua se 488 persona ja kanë dalë të shërohen, ndërsa 31 persona kanë humbur luftën më sëmundjen e rrezikshme.
“Që nga fillimi i epidemisë deri më sot janë konfirmuar pozitivë me COVID-19 në të gjithë vendin 782 qytetarë. Prej tyre janë 488 të shëruar.
Aktualisht në vendin tonë janë 263 pacientët aktivë me COVID-19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive.
Deri tani 31 qytetarë e kanë humbur betejën me këtë sëmundje, megjithë përpjekjet e stafit mjekësor.”-u tha në deklaratën e Ministrisë së Shëndetësisë./Fjala.al/
