“Met Gala” është padyshim nata më e madhe e industrisë së modës dhe botës së showbizit. Por këtë vit, shfaqja e Institutit të Kostumeve nën titullin “Është koha: modë dhe kohëzgjatje” është shtyrë për një afat të papërcaktuar.
Zakonisht mbrëmja gala organizohet çdo të hënë të parë të muajit maj dhe në të marrin pjesë mijëra personalitete të botës së showbizit. Momenti më pikant është ai i parakalimit në tapetin e kuq ku yjet spikasin me përzgjedhjen e veshjeve sipas temës së zgjedhur.
Eventi mbahet në Muzeun Metropolitin të Arteve në Nju Jork. Por në mungesë të tij këtë vit, Billy Porter në bashkëpunim me revistën prestigjoze Vogue, zgjodhi të risjellë “Met Gala”, por në një tjetër version, me një rikrijim të veshjeve ikonike, më të bukura dhe më pikante, të zgjedhur ndër vite nga yjet, ti krijojnë ato në kushte shtëpie dhe ti postojnë në rrjetet sociale me hashtagun #metgalachallenge.
Shihni disa prej krijimeve më të bukura, që në shumicën e rasteve janë zgjedhur dhe përcjellë përmes fotove nga vetë fëmijët./Burimi: CNN
