Artan Hoxha, gazetari shqiptar ka publikuar disa foto në llogarinë e tij në ‘Facebook’ ku shihen më shumë se 150 shqiptarë që udhëtojnë ngjeshur me njëri-tjetrin drejt Shqipërisë, ku dhe do të riatdhesohen.
Sipas gazetarit shqiptarët kanë udhëtuar pa asnjë masë sigurie dhe kur kanë mbërritur në aeroportin e Rinasit nuk u është bërë asnjë kontroll mjekësor.
Gjithsesi, nëse një prej udhëtarëve është i infektuar, mjafton udhëtimi që bëjnë bashkë prej 1 orë e 30 minuta, për të infektuar të gjithë avionin.
” Vetëm nëse ndonjëri prej tyre, do behet per spital, ne do mësojme se ka qene i infektuar me koronavirus,”– shton në fund Artan Hoxha.
Statusi i plotë i Artan Hoxhës:
Ky eshte avioni i radhes, qe sot ne dreke u nis nga aeroporti Malpensa i Milanos, i mbushur rrafsh me shqiptare te izoluar ne Itali per shkak te Covid 19, dhe ne oren 15:00, zbarkoi ne Rinas. Si e shikoni dhe nga pamjet, ne bordin e avionit kane qene mbi 150 shqiptare, te semure qe kane qene per mjekim ne Itali, te moshuar, gra shtatzana, madje dhe femije te vegjel, duke mos patur asnje ndenjese bosh. Secili prej tyre ka paguar nje cmim bilete prej 220 euro, ku perfshihej udhetimi me avion dhe karantinimi ne hotel Bonavita, ne Durres, per 14 dite.
Mjafton dhe nje i semure, i vetem, me covid 19, qe te infektoje gjithe avionin, ne nje udhetim qe zgjat 1 ore e 20 minuta. Sapo zbarkuan ne Rinas, nuk u eshte bere asnjelloj kontrolli mjekesor, apo analize tjeter, per te konstatuar nese jane pozitiv me Covid 19 ose jo. Jane hipur ne 4 autobuza dhe ne vend te Durresit, ku kishin prenotuar dhe parapaguar, i kane derguar ne Hotel Rafaelo ne Shengjin… Vetem nese ndonjeri prej tyre, do behet per spital, ne do mesojme se ka qene i infektuar me coronavirus.
