Shtëpia e Bardhë ka ndalur Dr. Anthony Fauci, një nga ekspertët kryesorë të task-forcës ndaj koronavirusit, që të dëshmojë përpara Dhomës së Demokratëve javën e ardhshme mbi koronavirusin.
“Dr. Anthony Fauci është ndaluar të dëshmojë në seancën e ardhshme pëpara komitetit të Edukimit dhe Shëndetësisë mbi koronavirusin. Ne jemi informuar nga një zyrtar i administratës se Shtëpia e Bardhë e ka ndaluar Dr. Faucin të dëshmojë,” është shprehur për CNN zëdhënësi i Komitetit të Edukimit dhe Shëndetësisë, Evan Hollander.
Zëvendës sekretari i shtypit të Shtëpisë së Bardhë Judd Deere konfirmoi vendimin e presidentit Trump.
“Ndërsa Administrata Trump vazhdon përballjen e saj me koronavirusin, për të nisur hapjen e sigurt të vendit dhe përshpejtimin e zhvillimit të vaksinave, është kundër-produktive që të përfshihen individë të tjerë në këtë proces në seancat e Kongresit”, tha Deere në një deklaratë për mediat. “Ne jemi të përkushtuar të punojmë me Kongresin për të ofruar dëshmitë në kohën e duhur”, shtoi ai.
Sidoqoftë, duket se Fauci pritet të dëshmojë para një komiteti të Senatit të udhëhequr nga republikanët gjatë muajit maj.
Ai do të dëshmojë para Komitetit të Shëndetit, Edukimit, Punës dhe Pensioneve të Senatit më 12 maj.
Fauci është larguar vazhdimisht nga inkuadrimi i Trumpit për trajtimin e pandemisë së qeverisë federale
Vendimi për të mos e lejuarin Faucin të paraqitet para Dhomës së Demokratëve vjen pasi po përgatitet një hetim në shumë fronte mbi menaxhimin e qeverisë ndaj koronavirusit. Disa nga hetimet tashmë janë duke u zhvilluar. Ndërsa në Shtetet e Bashkuara kanë filluar edhe protestat për rihapjen e vendit, siç ishte edhe rasti i djeshëm në Miçigan. /Përshtati nga CNN, Fjala.al
