“Nuk kemi folur kurrë për turne të dyfishta” sa i takon rifillimit të mësimit në muajin shtator. Lajmin e bëri të ditur ministrja italiane e arsimit Lucia Azzolina duke shpjeguar se hipoteza është ajo e ndarjes së klasave.
“Gjysma e nxënësve për gjysmën e javës”, kështu do të shkojnë në shkollë tha ajo ndërsa pjesa tjetër do të vazhdojë gjysmën e dytë.
Gjithsesi, edhe në shtator, do të mbeten në fuqi të njëjtat rregulla me fokus kryesor distancën sociale.
“Në shtator duhet të kthehemi në shkolla, studentët kanë të drejtë të rikthehen në shkolla dhe këtu flasim edhe për nxënësit e shkollave fillore” shpjegoi ministrja Azzolina, duke theksuar se për momentin po diskutohet edhe mundësia që një pjesë të mësojë online edhe në shtator dhe një pjesë të kthehen në bankat e shkollave por për këtë duhet menduar strategjia më e mirë, se si do të bëhet ndarja e klasifikimi i nxënësve.
