Ben Greenzwig planifikonte të ndërronte shtëpinë bashkë me gruan dhe tre fëmijët në jug të SHBA-ve, kurse ky plan i tij do të mund të përshpejtohet për shkak të pandemisë së koronavirusit.
Drejtori ekzekutiv dhe njëherësh themelues i kompanisë Momentum Event Group, thotë se dëshiron të shpërngulet në Karolinën e Veriut apo atë të Jugut dhe të largohet nga Nju Jorku, për shkak të shpenzimeve më të vogla dhe hapësirës më të madhe për të bërë jetë të qetë dhe larg frikës nga kriza afatgjate që do të mund të ndikonte që të detyronte qytetarët të paguajnë taksa më të larta.
Pothuajse një e treta e amerikanëve po mendojnë të transferohen në zona më pak të banuara për shkak të pandemisë, tregojnë të dhënat e fundit e Harris Poll. Ky fakt paralajmëron se mund të ketë ndryshim dhe ndikim të madh në shitjen e pronave të paluajtshme apo në çmimin e shtëpive. Qytetarët nga zonat urbane janë në kërkim të gjetjes së shtëpive të reja jashtë qyteteve të mëdha.
“Njerëzit do të jenë shumë më të kujdesshëm kur jetojnë në zona me densitet të lartë, me aq shumë njerëz afër vetes”, parashikon Lawrence June, kryekonomisti i Shoqërisë Kombëtarë të Pasurive të Patundshme.
Zonat periferike janë duke u bërë më të famshme sesa qendrat e qyteteve, dhe pikërisht për këtë arsye ka vendosur që të largohet dhe Greenzwig.
Lee-Sean Huang, 39-vjeç që gjatë 14 viteve të fundit jetoi në Manhattan, është arratisur përkohësisht në Sang Harbour, një fsha në Long Island të New Yorkut.
“Gjërat që e bëjnë jetën në Manhattan më tërheqëse aktualisht nuk janë në dispozicion. Baret dhe restorantet janë të mbyllura”, thotë ai. Ai kryesisht ka punuar në distancë duke dhënë mësim në Universitetin e Neë Yorkut (NIU) dhe në Parsons në shkollën e Arteve Pamore. Gjithashtu është themelues dhe drejtor kreativ i Foss, studio e projektimit.
Përveç dendësisë së popullsisë, amerikanët gjithashtu duan të shmangin ashensorët ku mund të takohen me persona potencialisht të infektuar. Por, blerësit potencialë mund të përballen me pengesa në kohën kur janë rritur kërkesat dhe pandemia ka ndikuar në gjendjen e tyre financiare, siç janë ulja e pagave apo përgjysmimi i orarit të punës.
