Kryeministri i Britanisë së Madhe, Boris Johnson ka folur për eksperiencën e tij në spital pas infektimit me koronavirus. Dërgimi për kujdes intensiv, tregon Johnson për ‘Sun on Sunday’, i kishte detyruar mjekët që të përgatiteshin për të njoftuar edhe vdekjen e tij.
“Ishte një moment i vështirë, nuk e mohoj. Ata kishin një strategji për t’u përballur me një skenar të tipit ‘vdekja e Stalinit”, ka treguar kryeministri britanik.
Johnson tha se gjatë trajtimit në spital ka kaluar momente të vështira duke menduar nëse do të ishte në gjendje të mposhte sëmundjen.
Pas përmirësimit të gjendjes dhe daljes nga spitali, Boris Johnson mori një lajm të mrekullueshëm duke u bërë baba. Ai i vendosi djalit emrin Wilfred Lawrie Nicholas Johnson në nder të dy mjekëve që i shpëtuan jetën.
