Gjatë 24 orëve të fundit Spanja ka shënuar numrin më të ulët të viktimave nga koronavirusi, pas plot 6 javëve me shifra të frikshme.
Ministria e Shëndetësisë në Spanjë ka bërë të ditur se gjatë ditës së fundit janë shënuar 164 vdekje, ndërsa numri total i viktimave ka shkuar në 25,264 persona.
Që prej 18 marsit ky vend shënonte çdo ditë shifra të frikshme viktimash nga koronavirusi dhe rezultatet e ditës së sotme janë shpresëdhënëse.
Deri më tani në Spanjë ja kanë dalë që të shërohen plot 118,902 persona, bëri me dije kryeministri Pedro Sanchez gjatë një bisede që ka pasur me liderët e regjioneve autonome spanjolle, lidhur me vendimet që janë marrë për lehtësimin e masave të mbylljes së përgjithshme./Fjala.al/
