Pas 4 muajsh kërkime duket se është gjendur vaksina e parë kundër koronavirusit që funksionon në qelizat njerëzore.
Ky lajm është konfirmuar nga Luigi Aurisiçhio, CEO i Takis di Pomezia i cili zhvilloi vaksinën në Itali raportojnë mediat e huaja.
Ndërsa theksohet se ky test është bërë i mundur falë përvojës së institutit, i cili pasi izoloi virusin, vendosi një metodë për të verifikuar efektivitetin e vaksinave dhe molekulave direkt në virus.
“Ne po eksplorojmë edhe platforma të tjera interesante teknologjike në bashkëpunim me LineaRx, një kompani amerikane. Disa vaksina kanë marrë fonde të rëndësishme dhe tashmë kanë filluar fazën klinike në vendet e tjera. Ne po punojmë për një vaksinë që vjen nga hulumtimi italian , me teknologji gjithëpërfshirëse dhe italiane, të testohet në Itali dhe të vihet në dispozicion të të gjithëve. Për ta bërë këtë kemi nevojë për mbështetjen e institucioneve dhe partnerëve të cilët mund të na ndihmojnë të shpejtojmë procesin: kjo nuk është një garë dhe së bashku mund të fitojmë të gjithë kundër koronavirusit.”- tha Aurisiçhio./Fjala.al/
