Neymar dëshiron që të rikthehet te skuadra e Barcelonë dhe për këtë gjë është i gatshëm që të humbasë plot 100 milionë euro.
Braziliani provoi që të rikthehej te Barcelona verën e kaluar, por në fund u detyrua të qëndronte te Paris Saint-Germain. Ai ka një kontratë me PSG deri në vitin 2022 dhe nuk ka ndërmend të ulet në tavolinë për ta rinovuar atë, pavarësisht shifrave marramendëse që i ofrohen.
“Mundo Deportivo” shkruan se Neymar ka refuzuar ofertën e parë, 100 milionë euro kesh vetëm për të pranuar rinovimin e kontratës. Ndërsa në kontratën e re që i ofrohet, ai do të përfitojë mbi 50 milionë euro në sezon, por as kjo shifër nuk e josh. Ndërkohë agjentët e sulmuesit do të provojnë të shfrytëzojnë ligjin e FIFA-s që e lejon një lojtar të prish kontratën në mënyrë të njëanshme nëse ka kaluar 3 vite në atë klub, në rastin konkret tek PSG.
Ndërsa para se të nis këtë ofensivë, Neymar kërkon garanci nga ana e Barcelonës, e cila dhe në këtë rast është e detyruar të paguaj 180 milion euro për kartonin e tij, një shifër e vështirë për tu përballuar në këtë kohë krize./Fjala.al/
