Një lepur ka rezultuar me fat pasi i ka shpëtuar për një fije floku gojës së leopardit, pasi ky i fundit tentoi ta hante atë.
Pamjet e filmuara në Parkun Kombëtar Yala në juglindje të Sri Lankës tregojnë grabitqarin duke pritur me durim lepurin, teksa ulet vetëm disa metra larg.
Leopardi me kujdes pret momentin e duhur për të nisur aksionin, ndërsa lepuri duket i pavetëdijshëm për rrezikun e afërt.
Siç shihet edhe në videon e mëposhtme, në momentin e sulmit leopardi përballet me disa probleme, pasi shkurret nuk e lejojnë atë të grabisë prenë e tij.
