Edi Rama, kryeministri i vendit së bashku me ministren e Kuluturës, Elva Margariti dhe ministrin për Rindërtimin, Arben Ahmetaj ka prezantuar planin e rindërtimit në Krujë.
Në një takim të zhvilluar online ka marrë pjesë dhe kreu i Bashkisë së Krujës, i cili u shpreh se është gati plani i shpronësimeve dhe nisja e prishjeve të objekteve të dëmtuara.
Ndërkohë, ministrja Margariti u shpreh e do jenë dy lagje të reja me një hapësirë ndërtimi prej 57 mijë e 737 m2 e do të strehohen 370 familje. Rama pas u njoh me planin tha se nuk do jetë vetë mundësi akomodimi për qytetarët, por do të bëhet dhe një transformim i zonës. Më tej kreu i qeverisë u tha ministrave dhe kreut të bashkisë që kur shpronësojnë qytetarët, mos të japin para në duar, por ta konvertojnë me njësi banimi ose traull diku tjetër.
“Nga ndërtimi një hapësirë shumë më të mirë dhe më ta favorshme se ajo që kanë. Edhe për të shmangur shpenzimet e tepërta, edhe ata që të kenë mundësi të fitojnë një pronë të patundshme të vlefshme… nëse nuk duan atëherë të fillojmë me procedurën e zakonshme të shpronësimit“, u shpreh ndër të tjera Rama.
Plani i prezantuar do të strehojë 370 familje që kanë mbetur në qiell të hapur nga tërmeti i 26 nëntorit që shembi mijëra banesa e mori 51 jetë njerëzish.
