Kryeministri Italian Giuseppe Conte në një intervistë për “Il Fatto Quotidiano” u shpreh se nëse do të vijohet me të njëjtat masa sigurie si këto ditë, nuk do ketë një rikthim të Covid-19 në vend.
“Tani janë përcaktuar pragjet e alarmit, do të mund të studiojmë një parashikim të mundshëm të hapjeve me diferencime gjeografike. Me rregulla të rrepta sigurie, do të bëjmë hapje për qendrat e bukurisë, për parukeritë si dhe për teatrot”, tha Conte.
Kryeministri tha se objektivi i parë i fazës së dytë, do të kuptonte nëse qytetarët do t’i përmbaheshin indikatorëve të sigurisë, dhe nëse do të funksiononte mirë, do bëhej një hapje tjetër në ditët në vijim.
“Nëse do t’i përmbahemi kushteve të sigurisë, do të kemi ulje të infeksionit, por edhe një mos rikthim të dytë të Covid-19”, tha Conte.
Deri më tani, 65% të qytetarëve italianë, janë kthyer në punë, dhe se në ditët në vijim do të bëhet edhe hapja e bizneseve të tjera./Fjala.al/
