Një 51-vjeçar është arrestuar nga policia greke në bashkëpunim me policinë e Korçës, pasi ishte shpallur në kërkim ndërkombëtar.
Shtetasi Bernard Bylykbashin banues në fshatin Lumalas, rezulton i dënuar nga Gjykata e Korçës me 5 vite burg për “prodhim dhe shitje e narkotikëve” dhe “kalim i paligjshëm i kufijve”.
Gjithashtu, pritet që të bëhet ekstradimi drejt vendit tonë.
Njoftimi i policisë:
Falë bashkëpunimit të Interpol Tirana, Strukturave të Hetimit të Krimit në DVP Korçë dhe Policisë Greke, u bë e mundur kapja e një personi të shpallur në kërkim ndërkombëtar në Greqi dhe ekstradimi i tij nëpërmjet Pikës Kufitare të Kapshticës.
Si rezult i bashkëpunimit të Interpol Tirana me Strukturat e Hetimit të Krimit në DVP Korçë dhe shkëmbimit të informacioneve me homologët grekë, u bë i mundur lokalizimi dhe kapja në Greqi e shtetasit Bernard Bylykbashi, 51 vjeç, banues në fshatin Lumalas, Korçë, si edhe ekstradimi i tij në drejtim të vendit tonë nëpërmjet Pikës së Kalimit Kufitar Kapshticë.
Gjykata e Rrethit Gjyqësor Korçë me vendimin nr. 190, datë 26.04.2012, e ka dënuar shtetasin e mësipërm me 5 vjet burg, për veprat penale “Prodhimi dhe shitja e narkotikëve” dhe “Kalimi i paligjshëm i kufijve”.
