Sekretari i Shëndetit në Britani, Matt Hancock ka dhënë një shembull se si do të jetë në Mbretërinë e Bashkuar, nëse nuk gjendet asnjë vaksinë e suksesshme për koronavirusin.
Ekziston një përpjekje globale që po ndodh për të gjetur një vaksinë për Covid-19, përfshirë një vaksinë premtuese në Universitetin e Oksfordit, por siç konfirmoi z. Hancock sot – nuk ka asnjë garanci nëse vaksina do të funksionojë.
Sekretari i Shëndetësisë ishte duke folur në Sky Neës këtë mëngjes, ku ai ishte duke iu përgjigjur pyetjeve nga publiku.
Një shikues bëri një pyetje të rëndësishme se çfarë do të ndodhë me jetën tonë nëse nuk gjendet asnjë vaksinë.
Z. Hancock tha që ndërsa ai është shpresues për krijimin e një vaksine, nuk ka asnjë garanci që do të zhvillohet.
Ai tha nëse kjo nuk do të ndodhë – ne do të duhet të adaptojmë jetën tonë për të jetuar me koronavirusin.
Ai shtoi: “Do të duhet të mësojmë të gjejmë një mënyrë për të jetuar me këtë virus – dhe kjo do të ndihmojë në zvogëlimin e numrit të të infektuarve dhe mbajtjen e tyre të ulët.
“Kjo do të përfshijë testimin në shkallë masive dhe sasinë e madhe të gjurmimit të kontaktit njerëzor, në mënyrë që të mund të kuptojmë dhe të jetojmë me virusin”.
Ai tha se një aspekt tjetër kryesor mund të jenë ilaçet.
Ai shtoi: “Ne po punojmë për ilaçe të reja tani që në rast se prekeni nga virusi të mos keni simptoma të rënduara.”
Aktualisht ka disa trajtime efektive për koronavirusin, me mjekët që mbështeten në sistemin imunitar të pacientëve për ta provuar dhe luftuar atë.
Por një ilaç i ri është duke u zhvilluar nga shkencëtarët në Mbretërinë e Bashkuar që aktualisht është duke u provuar në Spitalin Universitar Southampton, me rezultatet fillestare që priten në fund të qershorit./Burimi: Liverpoolecho /Përshtati:Fjala.al
