Një grua 63 vjeçe nga Dragashi i Kosovës ka humbur jetën mëngjesin e sotëm nga koronavirusi.
Lajmin është bërë i ditur nga Klinika Infektive, ku edhe ndodhi vdekja, përmes një njoftimi për mediat.
“Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me COVID-19, ka pasur edhe sëmundje kronike të veshkave dhe sëmundje tjera shoqëruese”, thuhet në atë njoftim.
Deri në këto momente numri i personave që kanë humbur jetën nga Covid-19 në Kosovë ka arritur në 27, ndërsa janë shëruar 533 nga 860 që është totali i të infektuarve./Fjala.al/
