Presidenti Ilir Meta ka bërë me dije se ka takuar Kryetarin e Federatës Shqiptare të Futbollit, Armand Dukën, me të cilin ka folur për situatën e krijuar nga Covid-19 në futboll.
Në një postim në “Facebook”, Meta shprehet se aktivitete futbollistike duhet ë rifillojnë sa më shpejt që të jetë e mundur.
Më tej ai shton se vaksina më e mirë ndaj virusit është sporti.
Postimi i Ilir Metës:
Kënaqësi të prisja sot Presidentin e Federatës Shqiptare të Futbollit, z.Armand Duka, i cili më njohu me protokollin sanitar të përgatitur nga ekipi mjekësor i FSHF-së, sipas udhëzimeve të UEFA-s, për rifillimin e aktiviteteve futbollistike sa më parë të jetë e mundur.
Besoj se me përpjekje dhe mirëkuptim, ashtu si edhe në shumë vende të tjera, edhe ne t’i rikthehemi në kushtet e reja dhe me protokollin e duhur sanitar, jetës futbollistike, por edhe sportive në vend.
Nuk ka vaksinë më të mirë për mbrojtjen e shëndetit se sa sporti. ⚽??
