Gazeta Fjala ka prej dy ditësh që ka publikuar të dhëna raport dhe analiza sipas së cilit në Shqipëri rrezikon të ngrihet çmimi i bukës. Kjo e kondicionuar nga importi që vjen nga Rusia. Por ministrja e shtetit për Parlamentin Elisa Spiropali thotë që janë marrë masat që tregtarët të kenë rezerva për tre muaj.
Qeveria jo vetëm është e përgatitur por ne I kemi paraprirë kësaj. Ne kemi monitoruar situatën nga afër dhe ka dalë vendim qeverie që kompanitë të mbajnë rezerva për tre muaj shtesë. Ministria e Bujqësisë dhe Zhvillimit rural është në monitorim të vazhdueshëm dhe është me detyrim mbajtja e rezervave dhe shtimi I rezervave për tre muaj të tjerë dhe patjetër është me detyrim zbatimi I saj dhe me premtimin që qeveria në rast se me mbarimin e pandemisë, këto kompani do kenë rezerva më shumë, qeveria do e blejë për rezervat e shtetit.
-Ju sot e përjashtoni që çmimi I bukës do të rritet?
Ne jemi në monitorim të vazhdueshëm dhe kemi marrë masa ekstreme duke shtuar edhe rezervat, pra besoj do jemi në një situatë normale dhe nuk do kemi probleme. /l.m/Fjala
