Kryeministri Edi Rama duke iu përgjigjur akuzave të gazetarit Çim Peka se ai është puro komunist dhe krejt i pafe, ka theksuar se këto mendime ia ka ‘futur në kokë’ vetë Sali Berisha.
Kreu i qeverisë madje shkoi aty sa bëri edhe një krahasim midis ish-kryeministrit Sali Berisha dhe kreut aktual të Kuvendit Gramoz Ruçi.
Sipas Ramës, ndërsa Ruçi është puro komunist, Berisha është antikomunist i shtirur dhe pa asnjë lloj ideali.
Rama: Unë jam antifashist dhe antikomunist, se kush të ka mësuar ty se unë jam i pafe unë e di kush të ka mësuar. Është ai që ti e fut në mes, që ka qenë sa komunist aq edhe i pafe. (Sali Berisha). Të dy ishin komunistë, njëri me ideal, tjetri dihet, pa ideal. Të vijmë te testimet, ju thoni se Sali thotë, se OBSH-ja thotë.
