Pedagogu Arlind Qori ka mbajtur një qëndrim të ashpër ndaj figurës së Maks Velos. Arkitekti i njohur shqiptar ndërroi jetë ditën e djeshme, ndërkohë që figura publike, përfshirë shkrimtarin Ismail Kadare, kanë shprehur ngushëllimet dhe vlerësimet për Velon.
Por Qori ka një mendin tërësisht ndryshe. Sipas pedagogut të Shkencave Politike, Velo ka mbajtur qëndrime islamofobe, raciste dhe ka përcjellë përçmim social.
“Të qenit piktor i burgosur padrejtësisht gjatë diktaturës dhe mbajtja e ndonjë qëndrimi në përputhje me interesin publik nuk duhet të na bëjë të harrojmë se Maks Veloja ishte tipiku i intelektualit fashist shqiptar. Qëndrimet e tij publike qelbeshin era islamofobi, racizëm krahinor (ndaj veriorëve) dhe përçmim social (kundër “katundarëve”). Version i bastardizuar i tij janë Edi Rama dhe zogoria e intelektualucëve me “puzza sotto il naso” ndaj popullit”, shprehet Arlind Qori.
– “Nuk ishte e lehtë lamtumira me ty”, Ismail Kadare mesazh të ndjerë për Maks Velon
