Një pjesë e lojtarëve të Premier League, më saktë rreth 50 prej tyre nuk dëshirojnë rifillimin e kampionatit për shkak se kanë frikë se mund të infektojnë fëmijët.
Sipas projektit “Restart”, Premier League duhet të nisë më 12 qershor, kur të gjitha ndeshjet do të luhen në fushë neutrale dhe me dyer të mbyllura.
Megjithatë “Daily Mirror”,raporton se mund të jenë të paktën 2-3 lojtarë për çdo skuadër që nuk duan që kampionati të rifillojë.
Prestigjiozja britanike raporton se shqetësimet kryesore të lojtarëve kanë lidhje me transmetimin e virusit tek anëtarët e familjes, sidomos te fëmijët e vegjël.
Aktualisht liga ka propozuar një protokoll shëndetësor për stërvitjet individuale dhe ka ftuar 20 klubet e kampionatit për një takim që do të zhvillohet ditën e hënë./Fjala.al/
