Barack Obama “fshikullon” pasuesin e tij në krye të Shtëpisë së Bardhë, ndërsa nuk kursen kritikat për Donald Trump për përgjigjen e administratës së tij ndaj krizës koronavirus, duke e përshkruar si “një tmerr kaotik absolut”.
Ish-presidenti Obama tha se Trump duhej të ishte marrë seriozisht që në fillim me pandeminë vdekje-prurëse, ndërsa u shpreh se beson se demokratët duhet të mbështesin zv.presidentin Joe Biden në garën e nëntorit, pasi kjo është e vetmja mënyrë për të mposhtuar Donald Trump.
Në një intervistë 30 minutëshe, Obama tha se përgjigja dhe reagimi ndaj krizës së Covid-19 duhet ti shërbejë amerikanëve si një thirrje se përse qeveritë dhe udhëheqësit e fortë janë të nevojshëm në kohë krize.
Sipas tij, tani më shumë se kurrë demokratët duhet të mbështesin Biden. Obama tha se do të përfshihet edhe vetë në fushatën elektorale të Biden, për ta ndihmuar në çdo aspekt ish krahun e tij të djathtë në Shtëpinë e Bardhë. /Fjala.al/
