Shtëpia e Bardhë ndodhet në panik tashmë pas rezultimit pozitiv me koronavirus të asistentes personale të vajzës së Presidentit të SHBA-ve, Donald Trump, Ivanka Trump.
Ndërsa para dy ditëve u raportua se një zyrtar i Marinës i cili vepron si një nga shërbëtorët personal të Trump, ka rezultuar pozitiv me Covid-19, Presidenti i Amerikës e priti me shumë shqetësim këtë lajm.
Së fundi CBS Neës raporton se ndihmësja e Ivanka Trump ka rezultuar pozitive me koronavirus, duke e rritur akoma më shumë tensionin në Shtëpinë e Bardhë.
Megjithatë, ky rast mendohet se nuk ka rrezik për vajzën e Trump, pasi ato nuk ishin takuar prej disa javësh.
Ndër të tjera shtohet se asistentja është asimptomatike, ndërsa Ivanka Trump dhe bashkëshorti i saj Jared Kushner rezultuan negativë pas testeve të kryera ditën e premte./Fjala.al/
