Klubi i Paris Saint-Germain ka vendosur që t’i kërkojë skuadrës së Interit që të zgjasë huazimin e sulmuesit Mauro Icardi, ose të ulë çmimin e kartonit të tij nga 70 milionë në rreth 50 milionë euro.
Argjentinasi ka zhvilluar një sezon pozitiv në Paris, duke shënuar 20 gola dhe duke siguruar katër asistime në 31 ndeshje.
Momentalisht ai është në huazim me një mundësi blerjeje prej 70 milionë euro dhe raportohet se PSG dëshiron të negociojë ndryshime në këtë situatë.
Gazeta franceze L’Equipe raporton se ideja është ose të zgjasë huazimin e lojtarit për një sezon tjetër, ose të kërkojë uljen e çmimit të kartonit të tij që ta blejë.
Kampionët e Ligue 1, të shpallur pas anulimit të vazhdimësisë së kampionatit për shkak të Covid-19, kanë paguar 13 milionë euro për huazimin një-sezonal, kështu që në teori do të paguanin deri në 67 milionë euro nëse do të përsëritej huazimi.
Ndërsa, Interi dëshiron të përfitojë shumë nga 27-vjeçari, i cili nuk është pjesë e planeve të trajnerit Antonio Conte./Fjala.al/
