Gjermanët kanë nxjerrë në dritë mashtrimet e Kinës me koronavirusin. Sipas një raporti të ri, theksohet se presidenti kinez Xi Jinping i ka kërkuar personalisht Drejtorit të Përgjithshëm të Organizatës Botërore të Shëndetësisë, Tedros Adhanom, që t’i japë me vonesë informacionet në lidhje me një kërcënim të mundshëm të botës nga koronavirusi.
Sipas gazetës gjermane Der Spiegel e cila ka publikuar edhe lidhjet mes presidentit kinez dhe Shërbimit Federal të Inteligjencës gjermane.
Sipas ngjarjeje të ndodhura deri më tani, disa orë pasi u përhap lajmi mbi koronavirusin OBSH i cilësoi të dhënat si të “të pabaza dhe të pasakta”.
“Më 21 janar, udhëheqësi kinez Xi Jinping i kërkoi shefit të OBSH-së Tedros Adhanom Ghebreyesus që të përmbajë informacionet në lidhje me transmetimin njeri-në-njeri dhe të vonojë paralajmërimin e një pandemie”, shkruan Der Spiegel.
Sipas raportit fshehja e informacionit nga ana e shtetit kinez, bëri që bota të humbiste kohë nga katër deri në gjashtë javë të vlefshme për të luftuar koronavirusin.
“Tedros dhe presidenti Xi nuk kanë folur më 21 janar dhe s’kanë folur kurrë në telefon. Raporte të tilla të pasakta shpërqendrojnë dhe dëmtojnë përpjekjet e OBSH-së dhe botës për t’i dhënë fund pandemisë së koronavirusit”, thuhet në reagimin e OBSH-së.
Nëse raporti që ka dalë nga shërbimi i inteligjencës gjermane do të konfirmohej si i saktë, atëherë do të kishin kuptim edhe deklaratat e Donald Trump, se OBSH është bërë mjet i “propagandës kineze” dhe se presidenti vendosi të ndalojë financimin e OBSH-së.
