Një megaoperacion i policie është duke u zhvilluar në Nikël të Fushë- Krujë!
Policia ka ndërmarrë një megaoperacion në Nikël të Fushë-Krujës në kontrollin për drogë në sera dhe tunele.
Forca të shumta policie të komisariatit të Krujës, drejtorisë së policisë së Durrësit, Drejtoria e Përgjithshme e Policisë së Shtetit janë duke zhvilluar megaoperacionin pasi gjatë muajve të fundit ka pasur një numër të madh zjarrvëniesh, të cilat dyshohen se janë të qëllimshme për të zhdukur gjurmët e parcelave me kanabis, raporton BW.
Deri më tani nuk dihet nëse policia ka arrestuar persona të dyshuar apo të ketë zbuluar parcela me kanabis. Ndërkohë që operacioni vijon ende, pritet edhe një njoftim zyrtar nga policia e Shtetit.
