Kreu i Kuvendit, Gramoz Ruçi ka shprehur ngushëllimet për ndarjen nga jeta të Akademikut Gudar Beqiraj.
Në mesazhin e tij, kryeparlamentari Ruçi shprehet se Beqiraj ishte një personalitet i shquar i shkencës, kulturës dhe sportit shqiptar.
Sipas Ruçit, ai kontribuoi jo vetëm si shkencëtar, por edhe si kryetar e zv.kryetar i Akademisë së Shkencave.
“Akademiku Gudar Beqiraj ishte një personalitet i shquar i shkencës, kulturës dhe sportit shqiptar. Ai ka kontribuar për një kohë të gjatë jo vetëm si shkencëtar, por edhe si Kryetar dhe Zëvendëskryetar i Akademisë së Shkencave të Shqipërisë dhe ka një meritë të padiskutueshme në hartimin e politikave të zhvillimit të shkencës shqiptare, të reformimit të Akademisë së Shkencave, të promovimit të kërkimit shkencor si edhe dhe institucioneve akademike e universitare të Shqipërisë. Familja humbi njeriun e saj më të dashur, kultura shkenca dhe sporti shqiptar humbën një përfaqësues të shquar, dhe Shqipëria një qytetar të denjë e të respektuar”, shkruan Ruçi, në mesazhin e tij të ngushëllimit.
