Analisti Neritan Sejamini ka sfiduar publikisht kryeopozitarin Lulzim Basha që të dalë dhe të tregojë kush janë oligarkët në Shqipëri. Në një komunikim me gazetarët, Rama mohoi akuzat për ngritjen e një sistemi oligarkik në vend, ndërkohë që opozita pretendon për një të tillë.
Por tani që kryeministri mohon se në Shqipëri ka oligarkë, Sejamini kërkon nga Basha që të flasë me emra ose të ulë kokën dhe të pranojë deklaratat e Ramës.
“Rama shpjegoi, sot, se çfarë janë oligarkët dhe, mbi këtë bazë, argumentoi se në Shqipëri nuk ka asnjë të tillë. Opozita thotë se në Shqipëri ka oligarkë, prandaj është koha që opozita të shpjegojë kush janë oligarkët dhe pse ajo mendon se ata janë oligarkë. Nëse ajo nuk (gjen kurajë) për ta bërë këtë, duhet të mos flasë për oligarkë, por të ulë kokën e të pranojë atë që thotë Rama dhe të mos e akuzojë më Ramën për ndarje parash me oligarkët”, shkruan Sejamini.
Neritan Sejamini ka qenë në të kaluarën këshilltar i Lulzim Bashës.
