Kryeministri Edi Rama ka deklaruar sot nga QSUT-ja se një valë e dytë e koronavirusit është e mundshme të ndodhë.
Sipas Ramës të gjithë duhet të jenë të përgatitur për këtë mundësi dhe se lehtësimet graduale të masave duhet të çojnë në rritjen e kujdesit nga ana e qytetarëve.
Një zot e di çfarë do jetë e nevojshme, por ne duhet ta përgatisim sepse çdo gjë mund të ndodhë. Duhet të jemi gati.
Është shumë problem kjo situatë e hapjes, sepse edhe mënyra si shkoi gjëja, njerëzit u relaksuan.
Shumica e kupton që ishte rezultati i shtrëngimit të fortë, por megjithatë jeta, rutina zakonet janë të forta, kështu që ne duhet të përgatitemi për eventualitetin e një vale tjetër.
Po lexoja një artikull për gripin spanjoll. Do zoti mos na sjellë përpara kësaj sprove, por megjithatë duhet të jemi të përgatitur./l.m/Fjala
