Kur të burgosurit nuk vlerësojnë lirinë! Tre të dënuar të cilët ishin liruar me kusht përfundojnë sërish në qeli.
Mësohet se dy prej të arrestuarve akuzohen se kanë ushtruar dhunë ndaj familjarëve të tyre. Kanë qenë vetë familjarët që kanë lajmëruar policinë. Ndërsa njëri prej tyre ka thyer rregullat e karantinimit, duke dalë në rrugë.
Kujtojmë se që nga fillimi i muajit maj, 372 të burgosur kanë dalë nga qelitë dhe ndodhen në shtëpi, pasi përfituan nga i nga situata e krijuar nga COVID-19.
Nga ky akt përfituan personat e dënuar me vendim të formës së prerë që u kanë mbetur për të vuajtur nga dënimi i dhënë deri në 3 vjet burgim.
Ata u liruan për të qëndruar për tre muaj të izoluar në banesat e tyre dhe më pas do të kthehen në qeli për të vuajtur dënimin./ Fjala.al
