Mesfushori Adrien Rabio nuk ka pranuar të bashkohet në stërvitje me skuadrës pas uljes së rrogës që u bëri klubi për shkak të koronavirusit.
Ai nuk është kthyer nga Franca në Itali, si një formë revolte ndaj klubit bardhezi raporton “La Stampa”
Përpara se të bëheshin uljet e pagave, francezi përfitonte 7 milionë euro në sezon dhe nuk ka qenë aspak dakord me reduktimin që Juventusi e bëri për shkak të krizës nga Covid-19, pasi kishte marrë dritën jeshile nga lojtarët e tjerë, duke kursyer rreth 80 milionë euro.
Për këtë arsye, Rabio ka vendosur t’i kundërvihet klubit dhe ka refuzuar të udhëtojë drejt Italisë, ku më pas do jetë i detyruar të qëndrojë për 14 ditë në karantinë.
Mediat ndërkombëtare raportojnë se për të marrë këtë vendim lojtari mund të jetë shtyrë nga nëna e tij që njëkohësisht është edhe agjentja e tij. Ndërkohë zërave që kanë qarkulluar kohët e fundit se Rabio do largohet nga Juvja në verë i është shtuar dhe ky rast./Fjala.al/
