Në Gjermani është konfirmuar tashmë se kampioni katër herë i botës në Formula 1, Sebastian Vettel, ka përfunduar negociatat për kontratën me shefat e Ferrari.
Ishte një kthesë e madhe dhe e papritur kur Vettel foli muajin e kaluar për përfundimin e marrëveshjes 3 vjeçare dhe mos arritjen e një rinovimi të saj. Vettel pati një humbje të madhe me ekipin në Maranello sezonin e kaluar, kur u përjashtua nga Charles Leclerc.
22-vjeçari, i cili fitoi titullin GP3 në 2016-ën dhe titullin e Formula 2 në 2017, pati një sezon debutues mbresëlënës në Ferrari, duke fituar GP në shtëpi të ekipit në Monza.
Ndërsa Leclerc është djali i ri i posterave të skuadrës, forma e Vettel-it u zhyt dhe 32-vjeçari tani po kërkon një vend të ri për 2021.
Largimi i tij rihap potencialin që Hamilton të bashkohet me Ferrari-n, pasi kontrata e britanikut me Mercedes gjithashtu skadon në fund të këtij viti.
Në dhjetor, Ferrari pranoi hapur që kishin biseduar me kampionin gjashtë herë botëror për kalimin e tij te ta. Hamilton që atëherë hodhi poshtë sugjerimet që dëshiron të largohet nga Mercedes. Sidoqoftë, e ardhmja e tij ende varet nga ekuilibri brenda skuderisë së Mercedes.
Britaniku kishte theksuar se kontrata e tij e re nuk kishte të bënte me para dhe se ai ishte i angazhuar që Shigjetat e Argjendta të ishin pjesë e “trashëgimisë” së tyre deri në vitin 2039. Por e ardhmja e tij është e lidhur edhe me shefin e motorëve të Mercedes Toto Wolff.
Kontrata e Wolff gjithashtu do të skadojë në dhjetor dhe pozicioni i tij brenda ekipit është i panjohur, pasi ai ka forcuar lidhjet e tij financiare me Aston Martin, i cili do të marrë përsipër Racing Point në 2021.
Nëse Hamilton është i shqetësuar se Wolff do të linte rolin e tij në Mercedes, ai nga ana tjetër mund të vendosë të bashkohet me Ferrari-n në një nxitje të fundit në një karrierë të shkëlqyeshme të F1.
Hamilton tashmë është drejt kapjes së shtatë titujve gjë e cila është arritur vetëm nga legjendar e Ferrari-t dhe e F1, Michael Schumacher.
Sikur të fitonte një kurorë të shtatë, ose të tetë në F1 me ekipin italian, ai do të çimentonte vendin e tij si shoferin më i suksesshëm i këtij sporti gjatë gjithë historisë së ekzistencës.
Ndërkohë, Vettel kishte shpresuar të arrinte heroin e tij Schumacher në Ferrari, por aktualisht ka vetëm 14 fitore në 102 gara./Fjala.al/
