Greqia ka vendosur që të bëjë hapjen e 515 plazheve nga e shtuna e 16 majit, por nën disa rregulla strikte.
Një pjesë e plazheve që do hapen janë ende në fazat e regjistrimit, ndërsa si rregulla që duhet të respektohen patjetër janë:
-Pushuesit do të regjistrohen që në hyrje
-Numri maksimal i plazhistëve është 40 persona për 1000 metër katrorë
-Distanca minimale midis akseve të çadrave është vendosur në 4 metra, ndërsa distanca minimale prej 1 metrash midis perimetrit të hijes së dy çadrave
-Në çadra do të jenë dy shezllone, me përjashtim të familjeve me fëmijë të mitur.
-Do të shiten vetëm produkte të paketuara
-Ndalohet shitja e pijeve alkoolike.
-Nuk do të ketë tryeza në lokale
-Punonjësit do të mbajnë maska
-Stafi i plazhit duhet të dezinfektojë krevatet e diellit apo karriget për çdo klient. Gjithashtu duhet të dezinfektojnë rregullisht ambientet sanitare.
-Sportet ekipore me kontakt fizik janë të ndaluara./Fjala.al/
