Presidenti amerikan Donald Trump e ka cilësuar si krejt të papranueshëm deklaratat dhe paralajmërimet e ekspertit të pandemisë Anthony Fauci lidhur me heqjet e masave kufizuese.
Kreu i Shtëpisë së Bardhë e akuzoi Faucin se në dëshminë e tij në senat u përpoq të luante “të gjitha anët e ekuacionit” .
Presidenti Trump është shprehur i pakënaqur me ngurrimin e Faucit për hapjen e shkollave.
“U befasova nga përgjigja e tij, sepse më duket e papranueshme sidomos kur vjen fjala tek shkollat. E vetmja gjë e pranueshme do të ishte t`i jepeshin disa javë kohë mësuesve dhe profesorëve më të moshuar përpara se të riktheheshin në mësim, sepse kjo është një sëmundje që godet moshën dhe godet shëndetin”, tha presidenti.
Sipas deklaratës së Faucit numri i vdekjeve të shkaktuara nga koronavirusi në Shtetet e Bashkuara është “pothuajse me siguri më i lartë” sesa shifra e raportuar prej 80,000 viktimash ndërsa paralajmëroi pasoja të rënda nëse qytetet dhe shtetet rihapen shumë shpejt, shkruan CNN.
Por Trump është kundër kësaj ideje dhe për këtë arsye Trump i ka nxitur bizneset dhe guvernatorët e shteteve që të rihapin ekonominë më të madhe në botë.
LEXO EDHE:
