Hermes Nikaj përfiton nga situate e COVID-19, duke bërë që gjykata e Tiranës ti ndryshojë masën e sigurisë nga “arrest në burg” në “arrest shtëpie”
Hermes Nikaj, që njihe ndryshe dhe si “Zogu i Tiranës” është liruar nga burgu 313 ku mbahej i izoluar prej 5 muaj e gjysëm, Nikaj ishte personi i vetëm që mbahej në burg, pasi 6 personat e tjerë të arrestuar nga policia dhe prokuroria, ishin liruar qysh prej muajit nëntor 2019.
Gjykata e Tiranës ditën e sotme vendosi të ndryshojë masën e sigurisë “arrest në burg” në “arrest shtëpie”, duke e argumentuar vendimin lidhur me masan e mara për parandalimin e virusit pandemik COVID-19. “Zogu i Tiranës” ndodhej në paraburgim prej 24 nëntorit 2019, periudhë kjo kur edhe është arrestuar.
Sipas rrëfimit të njërës prej vajzave që shfrytëzonte, Hermes Nikaj përdorte një fjalë të koduar “Telebingo”, duke nënkuptuar se kishte dalë klient i mirë dhe që ajo duhej të bëhej gati.
Më tej në dëshminë e saj D.N, nxjerr dhe emrin e I.A, një vajze që është shfaqur në ekranin shqiptar si këngëtare, dhe pohon para policëve se është shfrytëzuar në dy raste të tjera nga K.K, personazh i njohur nga Kosova, i cili drejton një emision në një televizion në Shqipëri.
Në një rast tjetër nga Anjeza Bena, pronare e një qendre estetike në Tiranë, e arrestuar nga policia dhe e lenë më tej në “arrest shtëpiak”, e cila sipas dëshmisë së vajzës, e ka çuar në Frashër të Përmetit, ku ka kryer gjatë natës marrëdhënie seksuale me shokun e të dashurit të parukieres.
Kjo dëshmi dhe komunikimet telefonike nxjerrin në pah se Hermes Nikaj, kishte kohë që aplikonte metoda kriminale, duke shfrytëzuar vajza të reja, të cilave u gjente klientë për të kryer marrëdhënie seksuale në këmbim të pagesave në euro dhe lek.
