Shefi i Komisariatit nr.1 në Tiranë, është shkarkuar nga detyra. Mësohet se shkarkimi i tij ka ardhur për shkak të shkeljes së fashës së orarit të vendosur për lëvizjen e qytetarëve gjatë pandemisë së koronavirusit.
Ka qenë frekuentimi i vazhdueshëm i zonës së liqenit artificial, që mbulohet nga komisariati nr.1, çka ka sjellë vendimin e Drejtorit të Policisë së Tiranës për të shkarkuar nga detyra kryekomisarin.
Edhe shefi i komisariatit nr.2, që mbulon një pjesë tjetër të zonës së liqenit artificial, ka marrë vërejtje për situatën.
Fjala.al raportoi sot se, menjëherë pasi u bë publike nga Ministria e Shëndetësisë se ishin 18 raste të reja me COVID-19, Policia mbylli parkun e liqenit artificial dhe shumë prej lulishteve të qytetit, kryesisht ato që mbulohen nga komisariati nr.1 dhe nr.2.
